Moisi Habilaj, i akuzuar për trafik droge, është dënuar me 15 vite burg nga gjykata, por për shkak të gjykimit të shkurtuar, ai ka përfituar një ulje të dënimit me 1/3, duke u detyruar të vuajë 10 vite heqje lirie.
Po ashtu, Nezar Seiti, i njohur si ‘financieri’ i grupit Habilaj, është dënuar me 12 vite burg, por, për shkak të po atij gjykimi të shkurtuar, ai do të kryejë vetëm 8 vite heqje lirie.
Gjithashtu, sipas raportimeve, është vendosur të pushohet çështja për dy të akuzuarit e tjerë, Fatmir Minaj dhe Meridian Sulaj, që lidhen me këtë çështje.
Moisi Habilaj është një emër i njohur në Shqipëri dhe është kushëri i ish-ministrit të Brendshëm, Saimir Tahiri, i cili është akuzuar se ka favorizuar grupin kriminal të Habilajve. Ky proces ka tërhequr vëmendjen e madhe publike për lidhjet politike dhe korrupsionin që mund të ketë ndikuar në aktivitetet e këtij grupi të organizuar kriminal.