Ambasada e Shteteve të Bashkuara në Tiranë ka njoftuar hapjen e një ankandi online, përmes të cilit do të shiten mobilie shtëpiake, pajisje elektroshtëpiake, mobilie zyre dhe artikuj të tjerë në pronësi të ambasadës. Procesi i shitjes zhvillohet nëpërmjet platformës zyrtare të Departamentit të Shtetit, ku qytetarët e interesuar mund të shohin artikujt e disponueshëm dhe të marrin pjesë.
Mësohet se ankandi është plotësisht online dhe i hapur për publikun.
“U.S. Embassy Tirana/ Ambasada e Shteteve të Bashkuara në Tiranë shet mobilje dhe pajisje shtëpiake, mobilje për zyra dhe artikuj të tjerë përmes këtij ankandi online,” thuhet në njoftimin e postuar në rrjetet sociale nga Ambasada.
