Një ditë pas protestës së opozitës në Tiranë, e cila u shoqërua me akte dhune, ka reaguar Sali Berisha. Kryedemokrati në një deklaratë për mediat u shpreh se ajo protestë ishte më paqësorja ndonjëherë e organizuar, ndërsa paralajmëroi se nuk do të ketë kthim pas dhe se do tubimet do të shtrihen në të gjithë vendin.
“Protestë më paqësore sesa dje nuk ka qenë në rrugët e Tiranës. Mesazhi është i qartë: në Shqipëri në kushte autokracie nuk ka dhe nuk mund të ketë paqe. Beteja jonë do të ketë vetëm ngjitje, do përfshijë gjithë Shqipërinë dhe do jetë e pandërprerë deri në largimin e Edi Ramës”, tha Berisha.
I pyetur për deklaratën e ambasadës gjermane e cila dënoi aktet e dhunës, Berisha u shpreh: “Ne jemi të përcaktuar për kryengritje paqësore, por nëse në këto protesta ka pasur protestues të dhunuar nga policia, nuk ka pasur asnjë polic të lënduar.“
