Një 33-vjeçar ka rënë në prangat e policisë në Tiranë, i akuzuar për mashtrim dhe vjedhjen e 10 mijë eurove.
Sipas policisë, i riu Elton Dumani mashtroi një qytetarë duke i marrë para në periudha të ndryshme kohore, me pretendimin se do të shlyente detyrimet tatimore të aktivitetit të tij tregtar. Megjithatë, ai vodhi paratë duke u zhdukur. Pas denoncimit nga ana e qytetares, policia e ka lokalizuar dhe e ka arrestuar.
Njoftimi i policisë:
Tiranë/Finalizohet operacioni policor i koduar “Fraud”. I mori 10 000 euro një shtetasi, me anë të mashtrimit, vihet në pranga 33-vjeçari.
Specialistët e Seksionit për Hetimin e Krimeve Ekonomike dhe Financiare, pas kallëzimit nga një qytetar për një rast mashtrimi financiar, organizuan dhe finalizuan operacionin policor të koduar “Fraud”, në kuadër të të cilit u bë ndalimi i shtetasit E. D., 33 vjeç, banues në Tiranë.
Nga veprimet hetimore rezultoi se ky shtetas, në periudha të ndryshme kohore, i kishte marrë 10 000 euro shtetasit G. D., me pretendimin se do të shlyente detyrimet tatimore të aktivitetit të tij tregtar.
Materialet procedurale i kaluan Prokurorisë, për veprime të mëtejshme procedurale.
