Është arrestuar nga policia Jamarbër Malltezi ditën e sotme në aeroportin e Rinasit.
Burime për media bëjnë me dije se Malltezi ishte duke u kthyer nga një vend i Bashkimit Europian, kur është arrestuar në ambientet e aeroportit të Rinasit nga autoritetet me urdhër nga SPAK.
Mësohet po ashtu se urdhri për ndalimin e dhëndrit të ish-kryeministrit Sali Berisha është firmosur nga prokurori i posaçëm Arben Kraja.
Ende nuk dihet arsyeja e ndalimit të tij, ndërsa detaje të reja pritet të dalin në vijim.