Bashkëshorti i ish-ministres Olta Xhaçka, ish-deputet i PS-së dhe njëkohësisht biznesmen, Artan Gaçi është paraqitur këtë të enjte në Prokurorinë e Posaçme.
Gazetarja e Top Channel Anila Hoxha, bën me dije se ai ka qenë i shoqëruar nga avokati i tij.
Në dalje, avokati i tij tha se Gaçi u pyet në cilësinë e personit ndaj të cilit zhvillohen hetime, por pa dhenë detaje të mëtejshme.
Nuk dihet ende se për cilën arsye ai është paraqitur sot në SPAK, ndërsa kujtojmë se ai është thirrur edhe herë tjetër në Prokurorinë e Posaçme, pas kallëzimit të kryer nga Fredi Beleri ndaj kryetarit në detyrë të bashkisë Himarë Jorgo Goro, për tjetërsim toke në Himarë.