Avokati Spartak Ngjela ka reaguar ashpër ndaj procesit për zgjedhjen e kryetarit të PD duke akuzuar Sali Berishën se ka shmangur garën demokratike brenda partisë.
Përmes një statusi publik, Ngjela shkruan se Berisha “u tremb” dhe nuk lejoi asnjë kandidat tjetër përballë tij në votimin për kryetarin e PD-së. Sipas tij, sondazhet tregojnë se Berisha humbet përballë çdo kandidati tjetër brenda demokratëve.
Në fund të reagimit të tij, ai ndalet edhe te çështja ndaj Berishës në SPAK, duke ngritur pikëpyetje mbi ecurinë e akuzës së ngritur ndaj ish-kryeministrit.
“Saliu trembur, nuk pranoi kandidat tjetër veç vetes në votimin per kryetarin e Partisë Demokratike.
Sondazhet specialuzuara tregojnë
qe Saliu rrezohet nga çdo kandidat tjetër, kushdo – qoftë ai.
Kjo është një komedi tragjike, sepse kryetari i Partisë Demokratike shkel prîncipin themelor të
demokracise, ngaqë ai e di që në garë e mund çdo demokrat.
Atëherë?
Asgjë, sepse ky eshte turp për Partinë Demokratike. Por çështja pritet të degradojë
në votimin për kryetarin.
Po akuza e ngritur kundër Saliut në SPAK, si do të shkojë?
Te shohim…”, shkruan Ngjela.