Çfarë do të ndodhte nëse Veliaj do të ishte i pranishëm gjatë vendimit të Këshillit Bashkiak? Ish-kryebashkiaku: Prezenca ime do të....

Gjatë seancës në Gjykatën Kushtetuese, ish-kryebashkiaku i Tiranës, Erion Veliaj, u përball me një pyetje të rëndësishme nga anëtaren e Kushtetueses, Marjana Semini. Ajo e pyeti nëse pjesëmarrja e tij fizike në mbledhjen e Këshillit Bashkiak, ku u vendos shkarkimi i tij, do të kishte ndikuar në ndryshimin e vendimmarrjes. Kësaj pyetje Veliaj iu përgjigj se ai e pa vendimin në TV e burgut dhe nuk mund ta dijë nëse do të ndryshonte gje nëse do të ishte i pranishëm.

Pyetja: Keni marrë dijeni për datën dhe orën e mbledhjes së Këshillit bashkiak dhe iu është thënë që nëse nuk mundeni të jeni të pranishëm, jeni mendimet me shkrim. Mendoni se pjesëmarrja fizike do evidentonte ndonjë argument që do ndryshonte atë vendimmarrje?

Veliaj: Këshillin e thërret kryetari i Bashkisë ose kur e thërret Këshilli. Kur e thërret Këshilli, ai duhet të ftojë kryetarin. Këshilli duhet të votonte për ftesën që duhet të bënte, nuk mund ta bënte këtë Sekretari i këshillit. E pashë nga tv i burgut që po mblidhet këshilli bashkiak i Tiranës. Pati një eficencë shembullore në 8 orë që nisi me mbledhjen e këshillit bashkiak dhe përfundoi me dekretin e Presidentit. Ky është fshati që duket, nuk ka nevojë për kallaus. A do kisha fuqi të ndryshoja mendimin e tyre? Nuk kemi si ta zbulojmë pasi nuk ma dhanë mundësinë. Besoj se fjalët kanë peshë. Ju keni bërë diferencën në këtë vendim sot, po i dëgjoni palët. Nesër mund të jenë anëtarët e Këshillit viktimë e kësaj situate.