Kryetari i Partisë Mundësia, Agron Shehaj, dhe kryetari i Kuvendit, Niko Peleshi, kanë shkëmbyer fjalë të ashpra gjatë seancës plenare të ditës së sotme. Tensionet mes dy politikës janë rritur pasi Shehaj ngriti zërin dhe bëri akuza të forta ndaj qeverisë gjatë fjalës së tij. Reagimi i tij i fortë ka nxitur një kundërpërgjigje të menjëhershme nga Peleshi, i cili kërkoi që ai të respektonte rregullat e debatit.
Debati ka shpërthyer kur Shehaj e ka akuzuar qeverinë për paaftësi dhe keqadministrim, duke theksuar se politikat e tanishme kanë dëmtuar qytetarët dhe ekonominë. “Mungesa e transparencës dhe llogaridhënies është kthyer në një normë për këtë qeveri”, ka thënë Shehaj, duke theksuar nevojën për ndryshime të thella në qeverisje.
Kryetari i Kuvendit, Niko Peleshi, reagoi menjëherë, duke i kërkuar Shehajt që të ndalonte përdorimin e gjuhës së ashpër dhe të respektonte rregullat e procedurës parlamentare. Peleshi e quajti sjelljen e Shehajt “të papranueshme” dhe “jashtë etikës parlamentare”.
Agron Shehaj: Për mënyrën se si ju merrni paratë dhe i fusni në xhepat tuaj. Kështu e tregoj respektin për shqiptarët dhe jo duke u marrë me broçkullat.
Niko Peleshi: Do të respektosh rregulloren, rendin e ditës. Në këtë sallë jo. Duhet të respektosh rregulloren.
Agron Shehaj: Ju avokatin e Belinda Ballukut bëni. Zoti kryetar ju mund ta ktheni rolin tuaj drejtues në avokatin e Ballukut dhe Ramës. Kjo nuk ju nderon, nuk je këtu për të gjykuar çfarë them unë, je këtu për tu respektuar rregullorja.
Niko Peleshi: Mos e ngri zërin, me mua mos e ngri zërin dhe kujdes fjalës që përdor se askush nuk ta ka për borxh të tregosh me gisht. Nuk ke asnjë të drejtë morale ose ligjore të tregosh me gisht.