Pas 24 orëve tejet të vështira, Delvina vijon luftën me zjarret, teksa flakët përhapen.
Raportohet se një vatër e re zjarri është regjistruar pranë zonave të banuara duke kërcënuar bindshëm përhapjen e mëtejshme. Era e fortë duket se favorizon përhapjen e flakëve, ku ndërkohë edhe terreni i thyer vështirëson punën e ekipeve të zjarrfikësve.
Gjatë natës, Delvina përjetoi ferrin me qindra hektarë toke të djegur dhe me banorë të evakuuar. Spitali i qytetit u zhvendos përkohësisht tek Kinoteatri, ndërkohë që 10 qytetarë mes tyre 4 efektivë morën ndihmë mjekësore pasi u asfiksuan nga tymi.
