Një shpërthim me lëndë plasëse ka ndodhur në qytetin e Shkodrës, në një makinë të parkuar. Ngjarja ka ndodhur në lagjen “Arra e Madhe”, dhe ka shkaktuar përhapjen e panikut në zonë. Sipas burimeve paraprake, ende nuk dihen detaje të plota mbi rrethanat e shpërthimit.
Si pasojë e shpërthimit, është plagosur shtetasi Enea Buzukja, i cili dyshohet se ka qenë duke lëvizur me motor pranë vendngjarjes në momentin e shpërthimit. Aktualisht, Buzukja është transportuar për ndihmë mjekësore.
Forcat e policisë janë nisur menjëherë për në vendngjarje dhe kanë filluar hetimet për të zbardhur shkakun e shpërthimit dhe për të sqaruar rrethanat që mund të kenë çuar në këtë incident.
Hetuesit janë në kërkim të informacionit për të identifikuar mundësitë e lidhjes me aktivitete kriminale, por gjithashtu po vlerësojnë çdo element të mundshëm që mund të ketë kontribuar në shpërthim.