Një 31-vjeçar nga Memaliaj, i identifikuar si E. Sh., është arrestuar nga policia për disa akuza të lidhura me aktivitetin e tij në bashkinë Memaliaj gjatë periudhës 2023-2024. Ai akuzohet për “Shpërdorim të detyrës”, “Mashtrim” dhe “Falsifikim të dokumenteve”.
Hetimet e kryera për disa muaj me metoda proaktive kanë zbuluar se gjatë kohës kur ishte kryetar i komisionit për prokurimet publike, E. Sh. dyshohet të ketë shpërdoruar detyrën duke mashtruar administratorët e disa subjekteve tregtare dhe duke falsifikuar dokumentet e nevojshme për procedura të ndryshme prokurimi.
Rasti është referuar Prokurorisë për veprime të mëtejshme ligjore. Arrestimi i tij është pjesë e përpjekjeve për të luftuar abuzimet dhe shpërdorimet në institucionet publike.