“Do e shkarkoni Ballukun?”/ Rama 'SHMANG' përgjigjen, i kthehet gazetares: Pse duhet të biesh në sy ti me ulërima...

Kryeministri Edi Rama është paraqitur sot përpara Pallatit të Brigadave, ku po pret liderët e Ballkanit Perëndimor për samitin “Plani i Rritjes, rruga jonë në BE”, që do të zhvillohet në Tiranë. Gjatë pritjes, Rama është ndaluar nga gazetarët për t’iu përgjigjur pyetjeve lidhur me situatën e ministres së Infrastrukturës, Belinda Balluku, pas pezullimit të saj nga detyra nga Gjykatën e Posaçme.

Në një moment të tensionuar, kur një gazetar i kërkoi opinionin e tij në lidhje me mundësinë e shkarkimit të Ballukut, Rama ka reaguar duke theksuar se “përgjigjen e tij do ta japë vetëm nëse komunikimi është i ndershëm dhe etik.” Ai ka shtuar: “Pse duhet të biesh ti në sy me ulërima? Merre fjalën, fol me etikë dhe je në rregull. Do marrësh përgjigjen. Nëse do përmbushësh këto dy kritere, unë do thyej çdo rregull dhe do ta jap fjalën.”

Deklarata e Ramës ka theksuar rëndësinë e një komunikimi të qartë dhe të respektueshëm, duke paralajmëruar se do të marrë një vendim të arsyeshëm dhe të mirëinformuar vetëm pas një diskutimi të matura dhe në përputhje me etikën profesionale.