Gjatë protestës së zhvilluar këtë të mërkurë para godinës së Kryeministrisë në Tiranë, protestuesit kanë sjellë një bust simbolik të kryeministrit Edi Rama, duke e krahasuar atë me ish-diktatorin komunist Enver Hoxha.
Tubimi është shoqëruar me thirrje dhe slogane kundër qeverisë, ndërsa protestuesit kanë mbajtur pankarta dhe mesazhe politike gjatë marshimit dhe qëndrimit përpara Kryeministrisë.
Në mesin e protestës janë dëgjuar brohoritje kundër kreut të qeverisë, ku pjesëmarrësit kanë bërë thirrje për largimin e tij nga pushteti.
Akti simbolik me bustin dhe pankartat u përdor nga protestuesit si formë proteste politike dhe krahasimi me periudhën e diktaturës komuniste në Shqipëri.