Protesta e opozitës u shoqërua në fund me tensione, pasi qytetarët hodhën molotovë, lëndë piroteknike dhe sende të forta në drejtim të kryeministrisë.

Nga shpërthimi i molotovit, mbetën të plagosur dy punonjës të Policisë së Shtetit të cilët morën ndihmë mjekësore dhe një qytetar. Gjithashtu, i lënduar mbeti dhe një qytetar, të cilit një bombë molotv i shpërtheu te këmbët dhe bëri që ai të përfshihej nga flakët. Menjëherë reaguan zjarrfikësit që ndodheshin tek korridori i policisë dhe shuan zjarrin në trupin e tij. Aktualisht, nuk dihet gjendja shëndetësore.

Protestuesi i përfshirë nga flakët, pasi i shpërtheu bomba molotov që do hidhte tek kryeministria

Ndërkohë, pas përfundimit të protestës, efektivë të Policisë Kriminalistike kanë zbarkuar pranë godinës së Kryeministrisë për të mbledhur prova dhe për të dokumentuar dëmet e shkaktuara. Sakaq, incidentet erdhën pas fjalimeve të demokratëve, ku qytetarët kanë thyer kordonin metalik të vendosur para Kryeministrisë.