Një ngjarje e frikshme ka ndodhur këtë të martë në qytetin e Fierit, kur një makinë është përfshirë nga flakët vetëm pak metra larg sheshit qendror.
Sipas informacioneve të para, mjeti ishte në lëvizje kur është shpërthyer zjarri, dhe brenda disa çastesh ka qenë i përfshirë nga flakët.
Fatmirësisht, drejtuesi i automjetit ka mundur të dalë në kohë dhe nuk raportohet për persona të lënduar. Zjarrfikësit kanë reaguar menjëherë dhe kanë bërë të mundur shuarjen e zjarrit, duke parandaluar përhapjen e flakëve dhe rrezikun për mjedisin përreth.
Policia ka nisur hetimet për të zbardhur shkaqet e incidentit, ndërkohë që dyshohet se shkaku i zjarrit mund të ketë qenë një defekt teknik në automjet.