Një aksident i rëndë është regjistruar pak minuta më parë në Rrugën e Kombit, në segmentin Milot–Rrëshen, pranë Urës së Zogut.
Si pasojë e përplasjes mes një mjeti tip “minicoper” dhe një automjeti tjetër tip “Golf”, kanë mbetur të lënduar katër persona, raporton korrespondentja e Top Channel Brixhilda Deda. Raportohet se një grua ka mbetur e bllokuar për disa minuta brenda mjetit për shkak të dëmtimeve të shkaktuara dhe është nxjerrë me ndihmën e shërbimeve të emergjencës.
Të plagosurit janë transportuar me urgjencë drejt spitalit të Rrëshenit, ku po marrin ndihmën mjekësore. Policia ndodhet në vendngjarje dhe po punon për zbardhjen e shkaqeve të aksidentit, të cilat ende nuk dihen.
