Gjykata e Posaçme ka konfirmuar masën e sigurisë “arrest në burg” për Erion Veliajn, kreun e Bashkisë së Tiranës.
Për Ajola Xoxën, GJKKO ka ndryshuar masën e sigurisë, nga “arrest në shtëpi” në “detyrim paraqitje” dhe i ka ndaluar daljen jashtë shtetit, pa autorizimin e gjykatës.
GJKKO ka vendosur gjithashtu vazhdimin e masësë së sigurisë “arrest në burg” për biznesmenin Elman Abule dhe “detyrim paraqitje” për 5 tjerët Gentian Sula, Meriman Palushi, Fatmir Bektashi, Sokol Kryeziu dhe Shkëlqim Fusha
“Vazhdimin e masës së sigurimit ‘Arrest në burg’ parashikuar nga neni 238 i K.Pr.Penale, caktuar ndaj personit nën hetim Erion Veliaj me vendimin Nr. 7, datë 09.02.2025 të Gjykatës së Posaçme të Shkallës së Parë për Korrupsionin dhe Krimin e Organizuar”.
“Zëvendësimin e masës së sigurimit personal “Arrest në shtëpi” caktuar ndaj personit nën hetim Ajola Xoxa me vendimin Nr. 7, datë 09.02.2025 të Gjykatës së Posaçme të Shkallës së Parë për Korrupsionin dhe Krimin e Organizuar, me masën e sigurimit personal ‘Ndalimi i daljes jashtë shtetit’ dhe ‘Detyrim për t’u paraqitur në policinë gjyqësore’ parashikuar nga nenet 233 dhe 234 i K.Pr.Penale”.
