Ish-zv.kryeministri Arben Ahmetaj ka reaguar pas lajmit se ministria e Drejtësisë i ka bërë kërkesë Zvicrës për ekstradimi ne tij.
Pas dy vitesh në arrati, në një postim në “Facebook”, Ahmetaj e cilëson të rremë këtë njoftim, duke hedhur akuza se po bëhet zhurmë me qëllim, sipas tij për të hequr vëmendjen nga mega-skandalet e fundit.
Postimi i plotë i Arben Ahmetajt:
Një qëndrim përsa i përket lajmit të sotëm të rremë që Ministria e Drejtësisë paska dorëzuar një kërkesë të re për ekstradim, dua të sqaroj sa vijon:
1. Kërkesa për ekstradim ka mbi dy vjet që është bërë me urgjencë në 18 Gusht të vitit 2023. Ligji e përcakton që bëhet vetëm një kërkesë. Dhe sikur të kishte do të ishte në vazhdën e tymnajës…
2. Pseudo-transferta ka mbi një vit që hetohet dhe prokurori e di mirë që nuk ka asnjë transfertë midis meje dhe kujtdo tjetër, e aq më tepër biznesmenëve apo biznesmenit në fjalë. Le të ngelet si sfidë!!! Shume shpejt “përkthehet” letër-porosia.
3. Pse bëhet zhurma e iniciuar me qëllim nga regjimi??? E thjeshtë fare! Të hiqet vëmendja nga mega skandalet e fundit dhe nga bashkëpunimi me krimin e organizuar dhe kartelet e drogës.
4. Më shumë detaje, në vijim….
