E FUNDIT/ Rama bën sërish ndryshime në qeveri, ja posti që i dha ish-deputetes së PS

TIRANË – Kryeministri Edi Rama ka bërë sërish ndryshime në qeveri. Në mbledhjen e sotme të qeverisë është miratuar emërimi i zëvendësministrit të Turizmit dhe Mjedisit.

Me vendim të Këshillit të Ministrave,  Almira Xhembulla është emëruar zëvendësministre e Turizmit dhe Mjedisit.

Almira Xhembulla ka qenë një nga 140 deputetët e Kuvendit të Republikës së Shqipërisë, dalë nga zgjedhjet e 25 qershorit 2017.

Vendimi i qeverisë

V E N D I M

PËR

EMËRIM NË DETYRË

Në mbështetje të nenit 100 të Kushtetutës dhe të pikës 2, të nenit 6, të ligjit nr.9000, datë 30.1.2003, “Për organizimin dhe funksionimin e Këshillit të Ministrave”, me propozimin e Kryeministrit, Këshilli i Ministrave

V E N D O S I:

Znj. Almira Xhembulla emërohet zëvendësministër i Turizmit dhe Mjedisit.

Ky vendim hyn në fuqi menjëherë.

Gazeta SHQIP