“Por a e liruan atë? Fantastike, hajde”, kjo është një pjesë e bisedave që iu zbuluan zëvëndës ministrit italian, i cili ka folur për të ashtuquajturin “Zotin e Drogës”, shqiptarin Elvis Demçe.

Përgjimet janë bërë në bisedat mes Fabrizio Piscitellit, i njohur si Diabolik, dhe Paolo Signorelli, zëdhënës i Ministrit të Bujqësisë, Francesco Lollobrigida, në Itali.

Bisedat në lidhje me “Zotin e Drogës” e kanë detyruar zyrtarin italian që të japë dorëheqjen. Ky lajm është publikuar nga “La Republica”, e cila tregon detajet në lidhje me këtë situatë. Në shkrimin e saj “La Republica” shpjegon se bisedat janë kopjet ligjore të celularit të Piscitellit të bërë në kuadër të hetimit për vrasjen Diabolik, lideri ultras i Lacios, ekstremist i djathtë dhe trafikant i drogës i vrarë në Romë në gusht të 2019-ës.

Në bisedat e tyre tregohen mesazhet e shkëmbyera pesë vite më parë  në platformën Whatsap, ku Paolo Signorelli gëzohet për lirimin e eksponentit të krimit në Romë, shqiptarit Elvis Demçe.

“Në të dhënat e Antimafias ka dënime, tentativa për vrasje, zhvatje, kërcënime, dërgesa droge, armë të drejtuara në kokë dhe grindje për kontrollin e shesheve të trafikut të drogës në periferi të Romës. Ka edhe tentativa për t’u hakmarrë për Diabolik pas vrasjes së 7 gushtit 2019, në Parco degli Acquedotti. Por për të kuptuar se kush është në të vërtetë Elvis Demçe, duhet të shohim klanet shqiptare në kryeqytet, kriminelët e ardhur nga Lindja dhe janë gjithmonë në marrëdhënie me galaktikën e zezë dhe skajet ultras”, shkruan “La Rebulica”, duke u bazuar në shpjegimin e bërë në vitin 2014 nga Massimo Carminati, gjatë një përgjimi që bëri xhiron e rrjetit gjatë hetimit në Botën e Mesme.

“Sepse tashmë në atë kohë, sipas njoftimeve të policisë financiare dhe karabinierëve, Demçe ishte dikush në botën e krimit. Ai ishte truproja, së bashku me Dorian Petokun, i themeluesit të mafies lindore në Romë, Arben Zogu. Kur bosi nga Lexie u arrestua në vitin 2015, Elvis Demçe, i cili duhet ta kishte pasuar, ishte jashtë fotos, edhe pas hekurave, sepse ai u akuzua për vrasje. Elvisi do të shpallet i pafajshëm në Apel, por fakti mbetet se ai nuk është gati për trashëgimi. Do të kalojnë disa vite më vonë, në moshën 36-vjeçare, kur të bëhet sërish i lirë, është i uritur, i keq, me aftësi logjistike dhe kontaktet e duhura”, shkruan “La Republica” më tej.