Gazetari Artan Hoxha ka folur për hetimet e SPAK ndaj tij për dy vepra penale.
Hoxha i ftuar në një emision televiziv, tha se ishte njoftuar më parë, madje kishte të dhëna se mund ta arrestonin. Gjithashtu ai deklaroi se ka shumë armiq që e duan në burg, teksa shtoi se ka folur dhe flet me të gjithë njerëzit e botës së krimit për të marrë informacion që e çojnë te politikanë më të rëndësishëm të këtij vendi.
“Unë jam në vitin e 30 te punës time si gazetar. Nuk kam patur marrëdhënie të mirë me pronarët, nuk kam qenë ndonjëherë drejtues, kryeredaktor, drejtor, kam qenë në rrugë. E kisha idenë që do të më godisnin dhe kur të më godisnin do të përdornin të gjithë mjetet për të rrënuar imazhin publik, për të shkatërruar, për t’u bërë i pabesueshëm, për të hedhur poshtë çdo gjë që kam bërë deri tani.
E dija sa armiq kam, kam bërë shumë armë, majtas, djathtas, ne qendër. Ditën që është bërë kontrolli i banesës time, më morën gjithçka, tablet, ipad, dvr, gjithçka, ka një procesverbal 17-18 sende. Arkiva e punës time e 30 viteve… Unë kam patur shtëpi me qira dhe nuk kam patur mundësi as ti ruaj. Lajmi i parë që doli, nuk e kisha parë, sepse nuk kisha mjete komunikimi, lajmi ishte që jam arrestuar.
Pritej që të më arrestonin edhe mua vetë kështu ma kishin thënë. Isha në bulevard. I pari ka dalë ish kryeministri Berisha, që ka dhënë lajmin arrestohet, e kuptueshme, kam bërë 30 vite luftë me zotin Berisha. Pastaj, media të qeverisë, pranë Bashkisë dhe pranë qeverisë. Kanë menduar se do të më arrestonin. Isha në dijeni më parë, mbase për t’u tërhequr dhe larguar, më vunë në dijeni se do të arrestohesha.
Nuk jam pyetur fare. Komunikimi im i fundit me SPAK-un, është bërë në datën 3 tetor të këtij viti dhe kam qenë në SPAK dhe besoj se kjo i ka penguar.
Pse nuk është vepruar deri në 3 tetor që isha në SPAK? Unë jam thirrur për kasetën e 21 janarit. Po të mos e dorëzoja do të shtyhej. Kam dhënë katër orë dëshmi dhe kam thënë kush duhet pyetur për 21 janarin. Këto ditë kam dëgjuar, kaq shumë shfrenim fantazie, madje të disa që hiqen si baballarë të gazetarisë, që prezumojnë pafajësinë, këto nuk janë as prova, janë dyshime, unë nuk jam i pandehur por person nën hetim. Këto u trajtuan si prova të mirëfillta dhe unë jam bos i krimit të organizuar.
U nxorën qëllimisht për të dëshmuar se çfarë kisha bërë, sikur kam bërë komplot kundër kryeministrit të vendit. Pra, u krijua ideja që unë isha një nga njerëzit kryesorë të organizatës, unë kam folur dhe flas me të gjithë njerëzit e botës së krimit për të marrë informacion që më çojnë te politikanë më të rëndësishëm të këtij vendi. Unë nuk jam as për tender, as për korrupsion, as kam vila në ‘Rolling Hills’, unë punoj se Fresku. Mua më kanë lajmëruar, hetimi ka një vit e gjysmë. Kjo organizatë ka shumë çështje atje. Suel Cela është që me plumbin e artë. Ervis Martinaj që nuk jeton më dhe Suel Cela, që aty fillon kjo histori“, tha Hoxha.
