Policia e Tiranës është njoftuar ditën e sotme nga stafi i kolegjit privat në Tiranë, Turgut Ozal, se kanë marrë mesazh kërcënues në e-mail, ku thuhej se në ambientet e shkollës është vënë një bombë.
Gazetarja e Top Channel Anila Hoxha bën me dije se stafi i shkollës dhe nxënësit janë evakuuar, ndërsa policia dhe forcat xheniere mbërritën menjëherë në ambientet e kolegjit.
Paraprakisht raportohet se nuk është gjetur asgjë e dyshimtë, ndërsa pitet njoftimi zyrtar i policisë për të sqaruar situatën dhe nëse kemi të bëjmë ose jo me një alarm fals.
