Dy të rinj janë arrestuar dhe një tjetër është shpallur në kërkim ditën e sotme në Berat, pasi plagosën me thikë një 24-vjeçar.
Të arrestuarit janë J. K., 26 vjeç dhe F. Q., 24 vjeç, ndërsa është në kërkim vëllai i këtij të fundit, F. Q., 27 vjeç, të tre banues në Berat. Sipas Policisë, ngjarja dyshohet të ketë ndodhur për motive të dobëta. Fatmirësisht, i plagosuri ndodhet në spital jashtë rrezikut për jetën.
Materialet procedurale janë referuar Prokurorisë pranë Gjykatës së Shkallës së Parë Berat për veprime të mëtejshme ligjore.
