Tre personat janë plagosur me thikë në Bulqizë gjatë një konflikti ku janë përdorur edhe thika.
Konflikti ndodhi mes familjarëve të tre personave të shoqëruar në komisariat pas një sherri.
Të plagosurit janë transportuar drejt Traumës ndërsa burime bëjnë me dije se të plagosurit janë identifikuar si Fluturim Tolle, 26 vjeç, i cili ndodhet në gjendje të rëndë shëndetësore, Adhurim Koçi, 26 vjeç dhe Renaldo Dauti, 22 vjeç. Për dy të fundit ende nuk kam një konfirmim per gjendjen e tyre shëndetësore.
Njoftimi:
Bulqizë / Informacion paraprak
Më datë 10.03.2026, rreth orës 20:30, në qytetin e Bulqizës, dyshohet se, pas një konflikti të çastit, janë konfliktuar fizikisht shtetasit Q. B., A. T. dhe D. H., të cilët janë shoqëruar menjëherë nga shërbimet e Policisë në ambientet e Komisariatit të Policisë Bulqizë, për sqarimin e rrethanave të ngjarjes.
Rreth orës 21:00, në ambientet e jashtme të një lokali, janë mbledhur familjarët e shtetasve të shoqëruar në komisariat, ku shtetasit J. C. dhe Y. Sh. janë konfliktuar fizikisht me shtetasit R. D., A. K. dhe R. T.
Si pasojë e këtij konflikti kanë mbetur të dëmtuar, dyshohet me mjete prerëse, shtetasit R. D., A. K. dhe R. T., të cilët janë transportuar për ndihmë mjekësore më të specializuar drejt Tiranës.
Shërbimet e Policisë po krehin zonën, me qëllim kapjen e dy autorëve të dyshuar të kësaj ngjarjeje, shtetasve J. C. dhe Y. Sh.
Grupi hetimor ndodhet në vendngjarje dhe po punon për zbardhjen e plotë të rrethanave të ngjarjes.