Forcat e policisë kanë arrestuar 42-vjeçarin Vilson Shima në Unazën e Madhe, pasi ai u kap në flagrancë duke transportuar 10 kg kanabis, të cilat dyshohet se i kishte me qëllim shitjen. Shima, i cili po udhëtonte me automjet, u ndalua për kontroll nga shërbimet e Policisë, të cilat gjatë inspektimit të mjetit gjetën lëndën narkotike.
Përveç kanabisit, gjatë një kontrolli të mëtejshëm në banesën e tij, autoritetet sekuestruan edhe dy armë zjarri pistoletë, dy silenciatorë dhe municion luftarak, duke ngritur dyshime për lidhje me aktivitetet kriminale të armëve.
Materialet procedurale janë dërguar në Prokurori për të vijuar hetimet dhe për veprime të mëtejshme ndaj 42-vjeçarit.