“Situata në Njësinë Administrative Novoselë vijon të jetë në monitorim të plotë nga ekipet e Bashkisë Vlorë dhe institucionet e tjera shtetërore, si pasojë e rritjes së nivelit të ujit, nga reshjet e rëna gjatë natës dhe në orët e fundit”, kështu është shprehur kryeministri Edi Rama, ndërsa ka reaguar për situatën e përmbytjeve në vend, evakuimeve dhe strehimeve të banorëve të prekur.
Gjithashtu Rama nënvizon se Bashkia e Vlorës, në bashkëpunim me strukturat përgjegjëse të emergjencave civile, Agjencinë Kombëtare të Mbrojtjes Civile dhe Forcat Armatosura, ka angazhuar të gjitha kapacitetet e nevojshme në terren dhe ndodhet në gatishmëri të plotë për të asistuar banorët. Autoritetet janë në gatishmëri, si në rast nevoje për evakuim, ashtu edhe për marrjen e masave të duhura për shpëtimin dhe sigurinë e bagëtive.
Bashkia u bën thirrje banorëve të ndjekin me përpikëri udhëzimet e strukturave në terren dhe të shmangin lëvizjet e panevojshme në zonat e rrezikuara, deri në normalizimin e situatës.
Ndërsa njoftohet se janë vënë në dispozicion edhe numrat për çdo situatë emergjente:
Emergjencat Civile
Ndërmarrja e Shërbimeve Publike
Ujësjellës-Kanalizime