Kryeministri Edi Rama ka pranuar dorëheqjen e Evis Salës nga posti i ministres së Shëndetësisë. Me anë të një postimi në rrjetet sociale, kreu i qeverisë i shpreh mirënjohjen Salës për përkushtimin ndaj ushtrimit të detyrës.
“Një falënderim i përzemërt për Profesore Evis Salën, e cila me përkushtimin dhe profesionalizëm dhe kontributin e saj në qeverinë tonë si ministre e shëndetësisë për programin e ri të reformave, ndërkohë që do të vazhdojë të jetë një ndihmë e çmuar paralelisht me angazhimin e mëtejshëm ndërkombëtar. Urime dhe vetëm mbarësi e dashur Evis”, shkruan kreu i qeverisë.
Evis Sala paraqiti dorëheqjen këtë të mërkurë, 2 shtator, gjatë mbledhjes së qeverisë, në Tiranë te Vila e Kuqe. Evis Sala qëndroi në postin e Ministres së Shëndetësisë dhe Mirëqenies Sociale për gati një vit. Ministrja e mori detyrën më 11 shtator të vitit të kaluar, kur kryeministri prezantoi qeverinë “Rama 4” duke marrë stafetën nga Albana Koçiu.