Gjykata e Posaçme kundër Korrupsionit dhe Krimit të Organizuar (GJKKO) ka lënë në fuqi masën e sigurisë “arrest me burg” Kevin Margjon alias Arjan Margjoni. GJKKO vendosi për ta lënë të pandryshuar masën për Margjonin, i cili akuzohet si financues dhe negociator i trafikimit të 485 kilogramëve kokainë nga Kolumbia drejt Shqipërisë.

Margjoni u ekstradua një ditë më parë nga Spanja drejt Shqipërisë. Ai u arrestua në maj të këtij viti në Spanjë, pasi ishte shpallur në kërkim ndërkombëtar, në kuadër të hetimeve për laboratorin e kokainës të zbuluar në Frakull të Fierit. GJKKO ka kërkuar ndaj tij masën “arrest me burg” për trafikim të lëndëve narkotike dhe grup të strukturuar kriminal.

Në këtë çështje, në nëntor 2022 në Frakull të Madhe të Fierit, u sekuestruan 485.5 kilogramë kokainë, të fshehura në një ngarkesë me pleh organik artificial të ardhur nga Kolumbia. Droga u zbulua në nëntor të vitit 2022 në banesën e ish-kryetarit socialist të ish-komunës Frakull në Fier, Viktor Çervanaku e cila ishte kthyer në një laborator kokaine