Ka qenë ora 12:42 pas mesnate mbrëmë, kur në radhë për të kaluar në Kakavijë ishin makinat e fundit, duke u mbyllur kështu një krizë e gjatë nervash dhe durimi pëe gjithë ata që priten me ditë e netë në një radhë kilometrike për të hyrë në Greqi.
Ishte ministrja e Mbrojtjes, Olta Xhaçka që me një foto ku tregonte makinat e fundit në radhë, shkruante se përfundoi kështu procedura e kalimit për qytetaret e fundit.
Sipas ministrisë së Mbrojtjes gjatë 24 orëve të fundit, kaluan në Kakavijë 3325 shtetas dhe 1629 mjete.
Duke nisur nga sot në mengjes, kalimi në Kakavijë do të kryhet përmes regjimit të ri të masave me kuotat e reja, aplikimin dhe testin negativ të Covid 19.
Postimi i ministres
Live nga Kakavija, ku përfundoi procedura e kalimit për qytetarët e fundit. Mirënjohje të thellë për të gjitha strukturat e angazhuara në këto ditë të vështira. Mirënjohje për efektivët e Forcave të Armatosura, Policisë së Shtetit, mjekëve e infermierëve dhe drejtues e punonjës të pushtetit vendor, të cilët me këmbëngulje, durim e punë në grup ia dolën!
Rregullat e reja
Për të hyrë në Republikën e Greqisë ?? prej mëngjesit të datës 17 gusht qytetarët duhet të kenë me vete:
✅ Certifikatën e kryerjes së testit COVID-19, jo më vonë së 72 orë nga dita e udhëtimit dhe rezultati të jetë NEGATIV;
✅ Testimi të jetë bërë nga autoriteti shtetëror (Instituti i Shëndetësisë) ose nga çdo spital apo klinikë e certifikuar dhe e njohur nga shteti;
✅ Certifikata të përmbajë të dhënat personale të personit, numrin e pasaportës ose të kartës greke, rezultatin negativ të testit, emrin e Institucionit ku është kryer testimi, adresën, numrin e telefonit, si dhe të jetë e përkthyer në gjuhën angleze;
✅ Do të lejohen të hyjnë në Republikën e Greqisë shtetasit që kanë leje qëndrimi greke ose shtetësi greke, punëtorët sezonal, si dhe çdo shtetas që ka marrë konfirmim nga autoriteti përkatës;
✅ Çdo shtetas që do të hyjë gjithashtu duhet të këtë plotësuar formularin PLF.
Sot, pas komunikimeve të pandërprera me homologët grekë është mundësuar që në PKK Kakavije të vijojë puna me ritëm duke u ardhur në ndihmë qytetarëve që janë në pritje në radhë, për të kaluar në shtetin grek.
Gjithashtu po pas komunikimeve intensive me homologët grekë, në këto momente në Kapshticë ka nisur puna normalisht e do të vijojë deri në orën 22:00 të mbrëmjes, ndërsa nga nesër në orën 06:00 të mëngjesit në të dyja pikat e kalimit do të aplikohen masat e raja anti-COVID.
Policia Kufitare apelon qytetarët që duan të udhëtojnë në drejtim të Greqisë që mos ndërmarrin udhëtime pa pasur me vete dokumentacionin e mësipërm, pasi Policia ka ngritur pika kontrolli në drejtim të Kakavijes si dhe në drejtim të Kapshticës.
Nuk do të lejohet asnjë qytetar që ka qëllim destinacionin final Greqinë të udhëtojë në drejtim të këtyre pikave pa pasur dokumentacionin e nevojshëm.