Gjashtë nga 13 kandidatët në garë për drejtimin e Byrosë Kombëtare të Hetimit janë skualifikuar.

Shkak për këtë është bërë mungesa e dokumentacionit të kërkuar, në aplikimin e tyre. Aktualisht në garë mbeten 7 kandidatë. Nuk dihen ende konkretisht se cilët nga kandidatët janë përjashtuar nga gara.

SPAK çeli garën për drejtuesin e ri të BKH-së, pasi mandati i Aida Veizaj (Hajnaj) përfundon në 31 gusht.Veizaj u emërua në krye të BKH-së në 30 korrik 2020 me një mandat 5-vjeçar.

13 kandidatët për kreun e BKH:

  • Andi Pogaçe;
  • Artur Beu;
  • Astrit Halilaj;
  • Elton Kërluku;
  • Gentian Ndoi;
  • Gentjan Shehaj;
  • Gledis Nano;
  • Haki Çako;
  • Joni Keta;
  • Maoricio Sheldija;
  • Marinela Pilinçi;
  • Miklovan Kanani;
  • Nevrus Ndregjoni.