Profesor Artan Fuga del kundër arrestimeve të kontrollorëve të Rinasit, si dhe mbron grevën e punonjësve të Albcontrollit. Me anë të një statusi në rrjetet sociale, profesor Fuga shkruan se dikush ka traumë termin “grushtin e shtetit dhe qëndron si neurozë e paheqshme”, duke nënkuptuar kështu Ramën dhe protestën e 21 janarit.
“Sepse dikush ka traumën e vjetër meqë parardhësin e vet e kanë akuzuar për grusht shteti dhe i qendron si neurozë e paheqshmenë inkoshient? Sa trishtim! Sigurisht! Keqardhje! Apo dikush mezi e pret të ndodhi diçka që të shpalli shtetrrethim? Shtetrrethim kundër grusht shtetit!”, shkruan Fuga.
Për ngjarjen e Rinasit, kryeministri Edi Rama e ka cilësuar si një përpjekje për grusht shteti të punonjësve të Albcontrollit, duke e cilësuar të mbështetur nga politika, e vënë në akuzë ish-kryeministrin Sali Berisha dhe presidentin Ilir Meta.
Postimi i plotë
Psikopatologjia e fjalës “grusht shteti”
Pyetja ime është se përse u erdhi në kokë termi ky “grusht shteti”? Për një grevë kontrollorësh ajri nga ato që bëhen me dhjetra nëpër botë. Njësoj siç mund të bëjnë grevë dhe mbledhësit e plehrave në qytet!
Krejt njësoj.
Sepse dikush ka traumën e vjetër meqë parardhësin e vet e kanë akuzuar për grusht shteti dhe i qendron si neurozë e paheqshmenë inkoshient? Sa trishtim! Sigurisht! Keqardhje! Apo dikush mezi e pret të ndodhi diçka që të shpalli shtetrrethim? Shtetrrethim kundër grusht shtetit!
Apo sepse duke e menduar si një projekt të pamundshëm e sheh kudo për ta bërë të mundshëm!
Më intereson shumë psikopatologjia e përdorimit të termit!