Ministri grek i Mbrojtjes, Nikos Dendias zhvilloi një takim 2-orësh me kryeministrin Edi Rama në ambientet e Kryeministrisë të hënën.
Në fokus të diskutimeve mësohet ka qenë rifillimi i dialogut për zonat detare dhe shelfin kontinental, një proces që ka mbetur i bllokuar prej vitesh. Pas takimit Rama ka ndarë pamje nga takimi ndërsa e ka cilësuar Dendias si një mik të çmuar dhe një mbështetës të palëkundur të partneritetit strategjik mes dy vendeve.
Në një reagim në X, Dendias shprehet se me kreun e qeverisë shqiptare pati mundësinë të fliste për Himarën vendi nga sic shprehet ka origjinën ndërsa thekson se pakica etnike greke është një urë miqësie midis dy shteteve dhe dy popujve.
“U prita nga Kryeministri i Shqipërisë Edi Rama, në kontekstin e vizitës sime në Tiranë. Ne analizuam situatën më të gjerë gjeopolitike në rajonin tonë më të gjerë. Pata mundësinë të flas për Himarën, qytetin nga i cili besoj se vij me origjinë, dhe të përsëris qëndrimin tim se pakica etnike greke është një urë miqësie midis dy shteteve dhe dy popujve”, shprehet Dendias.
