Policia ka arrestuar Siciljan Cakrajn, i dyshuar për përfshirje në veprimtari të paligjshme të lidhura me drogën. Cakraj është arrestuar në zonën e Astirit në Tiranë nga forcat operacionale, ndërsa pas arrestimit pritet të dalë nesër para Gjykatës së Tiranës, ku do të njihet me masën e sigurisë.
Siciljan Cakraj është djali i Petrit Cakraj, i cili akuzohet për rrëmbimin dhe vrasjen e Renis Dobres, ngjarje për të cilën dyshohet se është përfshirë së bashku me vëllezërit Bushgjoka.
Si ndodhi ngjarja
Ngjarja ka ndodhur më 8 korrik 2025 ndërsa 23-vjeçari Renis Dobra u gjet i pajetë më 9 korrik pranë liqenit të Shkopetit. Policia ka konfirmuar nga pamjet filmike dhe nga provat se katër personat Fatjon Bushgjoka (i arrestuar) Aleksandër Bushgjoka, Kristi Bushgjoka si dhe i Petrit Çakrri kanë marrë pjesë të gjithë në rrëmbimin e 23-vjecari.
Pak ditë pas ngjarjes Petrit Çakrri u arrestua në hyrje të Tropojës. Sakaq pista kryesore e hetimit vijon të jetë konflikti i drogës në Gjermani mes viktimës dhe vëllezërve Bushgjoka. Megjithatë nuk përjashtohet mundësia që vëllezërit Bushgjoka dhe Petrit Çakrri të kenë marre porosi nga persona të tretë pikërisht për trafikimim e lëndëve narkotike