Një ngjarje e rëndë ka ndodhur në Athinë, ku një 58-vjeçar është rrahur për vdekje. Për ngjarjen janë arrestuar 3 persona, mes tyre edhe një shqiptar.
Sipas informacioneve nga “Protothema”, hetimi i policisë zbuloi se tre të rinj, dy grekë dhe një shqiptar, ishin pas makinës së 58-vjeçarit në dy motoçikleta dhe në një moment ata u ndalën dhe për një arsye të panjohur, njëri prej tyre filloi ta rrihte viktimën barbarisht.
Sipas një dëshmie në dispozicion të autoriteteve, autori dyshohet se e ka kapur burrin nga koka dhe e ka goditur vazhdimisht në timon. Siç raportuan burimet policore, makina e viktimës ishte e mbuluar me gjak, “madje edhe xhami i përparmë ishte i thyer”.
Prandaj, përjashtohet mundësia që 58-vjeçari të ketë pësuar atak në zemër dhe ajo që po shqyrtohet si skenari më i mundshëm është që burri të ketë vdekur nga goditjet që ka marrë në kokë.
Përveç tre të rinjve, u arrestua edhe babai i njërit prej tyre, pasi kur policia shkoi në shtëpinë e tij për një kontroll shtëpie, ai u përpoq të fshihte motoçikletën e të birit. Diçka që policia e vuri re, dhe rezultoi në ndalimin dhe prangosjen e tij.
Së fundmi, vlen të përmendet se të tre personat kryesorë të përfshirë kanë qenë në të kaluarën shqetësim për autoritetet për vepra të ndryshme penale.
Një banor i zonës e përshkroi atë që ndodhi të hënën në mbrëmje si një ndjekje. Siç i tha ai ERT-së:
“Isha në zonë dhe pashë makinën duke kaluar si një ndjekje me motoçikleta pas saj. Ata as nuk ndaluan në semaforin STOP, asgjë. Në fillim, menduam se policia po ndiqte dikë”, shtoi banori.
Ai madje përshkroi se si makina e drejtuar nga 58-vjeçari “kaloi dy herë nëpër Soulier”. Dy herë bëri një rrotullim me të njëjtin ritëm.
“Megjithatë, kjo rrugë përfundon në një rrugë pa krye”, shpjegoi ai.