Avokati i ish-presidentit Ilir Meta, Kujtim Cakrani ishte i ftuar sot në “Breaking” në Top News, ku foli për vendimin e kreut të PL për të dëshmuar në lidhje me vrasjet e “21 Janarit”.
Cakrani tha se Meta ka informacione dhe prova të forta, që do zbardhin përfundimisht këtë ngjarje të rëndë.
“Meta më ka komunikuar që do të dëshmojë për rrethana dhe fakt rreth protestës së 21 Janarit. Ai tha se dëshmia e tij do ta zbardhë plotësisht këtë ngjarje. Ai është në dispozicion. Ka disa prova që do ia paraqesë SPAK-ut. Nuk e kanë marrë në pyetje sepse nuk kanë dashur ta zbardhin. Ai ka rënë në dijeni të disa të dhënave që do e zbardhin plotësisht këtë ngjarje. Ka dhe prova. Është person kyç në këtë ngjarje. Ka dijeni për 4 të vrarët në Bulevard. Nuk ka folur sepse këta e fusin në burg për deklarim të rremë siç e bënë me Salianjin. Nuk mund të bëjë gabimet e të tjerëve Meta. Kur të flasë Meta do zbulohet vrasësi i vërtetë i 21 Janarit”– tha Cakranji.
