Institut për Rehabilitimin e të Miturve/ Ministri i Drejtësisë: Të rinjtë do të shkollohen si të gjithë bashkëmoshatarët e tjerë

Në Mëzez të Tiranës po ngrihet Instituti i ri për Edukimin dhe Rehabilitimin e të Miturve ose ndryshe për të miturit në konflikt me ligjin.

Kjo është qendra e parë e këtij lloji në rajon dhe e dyta në Europë, pas Francës, u shpreh ministri i Drejtësisë, Ulsi Manja, që inspektoi sot punimet në kantier.

“Është modeli i shkollës gjyqësore franceze, këtu të miturit do të vijnë të shkollohen njësoj si të gjithë bashkëmoshatarët e tyre, do të pajisen edhe me diplomat përkatëse. Edhe mjedisi, edhe godina duhet të jenë në harmoni me njëra-tjetrën”, tha Manja.