Një drejtues Jet Ski-je është gjobitur nga Policia Kufitare e Vlorës pasi u konstatua duke lundruar në mënyrë të rrezikshme pranë bregut në zonën e Karaburunit.
Sipas autoriteteve, ndërhyrja u krye pas sinjalizimeve të qytetarëve, të cilët denoncuan se mjeti lundrues po qarkullonte brenda perimetrit të sigurisë, duke krijuar rrezik për pushuesit që ndodheshin në plazh dhe në ujë.
Pas verifikimeve të kryera në terren, drejtuesi i mjetit, shtetasi E.U., u ndëshkua me një gjobë prej 500 mijë lekësh të rinj për shkelje të rregullave të lundrimit.
Policia bëri gjithashtu bllokimin e Jet Ski-t, i cili u transportua në pikën e posaçme të sekuestrimit të mjeteve lundruese.
Autoritetet paralajmërojnë se kontrollet do të vijojnë përgjatë gjithë vijës bregdetare, me qëllim garantimin e sigurisë së pushuesve gjatë sezonit veror.