Kryeministri i Edi Rama ka reaguar përmes një postimi në rrjetet sociale, duke ngritur akuza për atë që ai e cilëson si manipulim të opinionit publik në internet, lidhur me një rast në zonën Kalaja e Durrësit.
Në reagimin e tij, Rama publikoi dy fotografi dhe pretendoi se ato tregojnë “dy fytyra” të një personazhi të përfshirë në debatet për mbrojtjen e trashëgimisë kulturore dhe mjedisit.
Sipas Kryeministrit, bëhet fjalë për një rast që ilustron mënyrën se si, sipas tij, individë me shkelje ligjore paraqiten si aktivistë të interesit publik, duke ndikuar në opinionin në rrjete sociale.
Rama shkruan se personi në fjalë, që ai e përshkruan si ndërtuese të një shtese pa leje brenda zonës historike, është njëkohësisht edhe pjesë e protestave për mbrojtjen e mjedisit, duke e quajtur këtë një kontradiktë të fortë mes veprimeve dhe mesazheve publike.
Në postim, ai e cilëson rastin si shembull të “algoritmit të manipulimit në rrjetet sociale”, duke theksuar se shkelësit e ligjit shpesh, sipas tij, paraqiten si mbrojtës të interesit publik.