Kanabis në ndërtesën e drejtorit të burgut të Rrogozhinës, Drejtoria e Burgjeve: Pezullohet nga detyra Bilal Hasa

Një sasi e konsiderueshme prej rreth 4 mijë bimësh kanabisi është zbuluar dhe sekuestruar nga autoritetet në ambientet e një banese në zonën e Peqinit. Sipas burimeve, banesa ku u gjetën bimët narkotike rezulton të jetë në pronësi të drejtorit të IEVP Rrogozhinë, Bilal Hasa, i cili është shpallur në kërkim nga autoritetet.

Pas publikimit të rastit, Drejtoria e Përgjithshme e Burgjeve ka reaguar zyrtarisht, duke bërë me dije se është vënë në dijeni për ngjarjen përmes mediave dhe ka ndërmarrë masa të menjëhershme administrative.

Zbulohet “shtëpi bari” në Peqin! Banesa dyshohet në pronësi të drejtorit të burgut të Rrogozhinës

Reagimi i Drejtorisë së Burgjeve:

Drejtoria e Përgjithshme e Burgjeve është vënë në dijeni nga mediat lidhur me rastin e drejtorit të IEVP Rrogozhinë, Bilal Hasa. Në vijim të informacionit të marrë, Drejtoria e Përgjithshme ka ndërmarrë masa administrative të menjëhershme për pezullimin e tij nga detyra, deri në zbardhjen e plotë të ngjarjes nga organet kompetente.

Gjithashtu, Drejtoria e Përgjithshme e Burgjeve distancohet nga çdo veprim që bie ndesh me ligjin dhe thekson se mbështet plotësisht hetimin e plotë dhe transparent të rastit.