Një 24-vjeçare nga Brazili është arrestuar në Durrës, e akuzuar për ushtrim prostitucioni në një apartament të marrë me qira në lagjen nr. 4. Sipas autoriteteve, e reja dyshohet se e kishte kthyer banesën në një ambient ku ofroheshin shërbime të paligjshme.
Gjatë ndërhyrjes së policisë, 24-vjeçarja ka refuzuar të hapë derën, çka ka bërë të nevojshme ndërhyrjen e forcave zjarrfikëse për të hyrë në apartament. Në cilësinë e provës materiale janë sekuestruar pasaporta, një shumë parash dhe dy telefona celularë.
Ndërkohë, në lidhje me këtë rast po hetohen në gjendje të lirë edhe tre shtetas shqiptarë. Materialet procedurale i janë referuar Prokurorisë për veprime të mëtejshme hetimore.