Kërkoi ndryshim të masës së arrestit! Çfarë VENDOSI Apeli për ish-deputetin e PS, Jurgis Çyrbja?

Gjykata e Posaçme e Apelit për Korrupsionin dhe Krimin e Organizuar ka refuzuar kërkesën për ndryshim mase të ish-deputetit Jurgis Çyrbja. Ai akuzohet për “Korrupsion aktiv zgjedhor”, “përkrahje të autorit të krimit” dhe “tregtim të sekretit shtetëror”. Ky vendim vjen pas shqyrtimit të kërkesës për ndryshimin e masës së sigurisë ndaj tij.

NJOFTIMI
Gjykata e Posaçme e Apelit për Korrupsionin dhe Krimin e Organizuar, me trup gjykues të përbërë nga gjyqtarët Daniela Shirka (kryesuese), Florjan Kalaja (anëtar) dhe Tereza Merkaj (anëtare), sot më datë 20.02.2026, disponoi për çështjen penale nr. 73 akti, datë 18.02.2026 regjistrimi, mbi kërkesën e të pandehurit J.Ç, me objekt: “Shuarjen e masës së sigurimit “Arrest në burg”, caktuar me vendimin nr. 126, datë 20.10.2024 të Gjykatës së Posaçme të Shkallës së Parë për Korrupsionin dhe Krimin e Organizuar, verifikuar me vendimin nr. 129, datë 22.10.2024 të kësaj gjykate, për shkak të përfundimit të dënimit të dhënë me vendimin nr. 68, datë 03.11.2025 të Gjykatës së Posaçme të Shkallës së Parë për Korrupsionin dhe Krimin e Organizuar”, si vijon:
– Rrëzimin e kërkesës së kërkuesit J.Ç.
U shpall në Tiranë, sot më datë 20.02.2026