Kroçera ‘Voyager of the Seas’ me mbi 3600 turistë, për herë të parë në Portin e Sarandës

Kroçera me 3,626 pasagjerë, “Voyager of the Seas”, ka mbërritur për herë të parë në portin e Sarandës, duke shtuar sezonin e turizmit detar në qytet.

Kryeministri Edi Rama njoftoi përmes rrjeteve sociale se turistët e mbërritur përmes kësaj kroçereje janë përpunuar nga porti i Sarandës, i cili ka shënuar një rritje prej 21% të pasagjerëve në 8 muajt e parë të këtij viti krahasuar me të njëjtën periudhë të vitit të kaluar.

“Kroçera ‘Voyager of the Seas’ i shtohet listës prej 70 kroçerash të planifikuara për sezonin e këtij viti që do të ndalen në Sarandë,” shkruan Rama.

Turistët, të cilët vinin nga shtete të ndryshme si Australia, SHBA dhe Kanada, u ndanë në grupe për të vizituar destinacione turistike si Butrinti, Kalaja e Lëkurësit, Syri i Kaltër, si dhe qytetet e Gjirokastrës dhe Përmetit.