Partia e Lirisë ka dorëzuar ditën e sotme një peticion në Bashkinë e Kamzës për sa i përket shkollës “Ibrahim Basha”.
Sipas kësaj partie shkolla rezulton e mbyllur ditën e parë të hapjes së vitit të ri arsimor.
Bëhet me dije se ka qenë deputetja e Partisë së Lirisë, Erisa Xhixho e cila ka dorëzuar peticionin e firmosur nga banorët e zonës. Por në bashki, deputetja Xhixho është përplasur verbalisht me kryebashkiakun Rakip Suli duke e pyetur këtë të fundit për hapjen e shkollës Ibrahim Basha, ndërsa e ka ftuar atë të përballet me qytetarët në një dëgjesë publike.
“Peticioni i kryer që në mars 2022 nuk ishte marrë në dorëzim nga Bashkia, erdha personalisht që ta prokolloja. Më thanë që përgjigja do vijë brenda një jave”.
“Kryetari i Bashkisë doli vetë personalisht e ftova publikisht që shqetësimin e qytetarëve ta adresoj e qytetarët donin dhe një dëgjesë me kryetarin për afatet, proceset e tenderimit dhe kur mund ti rikthehen jetës normale, e për pagesat e furgonave që shkojnë 30 mijë lekë në muaj. Rilindja duhet ta kuptojë që koha e llogaridhënies ka ardhur, për cdo investim publik e mos kenë frikë nga llogaridhënia”, tha Xhixho.