Deputeti i Partisë Socialiste, Erion Braçe, ka reaguar lidhur me emërimin e Dashnor Sulës në krye të Inspektoriatit të Përgjithshëm, duke e përshëndetur për detyrën e re, por njëkohësisht duke i dhënë edhe disa “këshilla” publike.
Në një postim në rrjetet sociale, Braçe theksoi se shpreson që Sula, në rolin e ri si Kryeinspektor i Përgjithshëm, të mos e konsiderojë gjobën si mjetin e parë për t’u përballur me bizneset, por të ndjekë një qasje më këshilluese dhe parandaluese.
Megjithatë, deputeti socialist ngriti me ironi edhe një tjetër shqetësim, duke e cilësuar largimin e Sulës nga angazhimi i drejtpërdrejtë me zonat rurale si një humbje për fshatin. Sipas Braçes, kontributi i tij në terren do të mungojë, ndërsa ai tashmë do të ushtrojë një funksion administrativ në nivel qendror.
Reagimi i Braçes:
URIME DASH!
PUNE TE MBARE! Sinqerisht!
Dua shume ti hysh i ti dalesh ne fund sic ligji parashikon:
GJOBA NUK ESHTE ALTERNATIVE E PARE!
Po bere kete, ja ke dale!
Nderkohe nje merak e kam;
Kush do flase per fshatin tani? Se ti flisje gjithmone per fshatin, vecanerisht kete sezon. Te ndiqja dhe une. Tani kush do flase? Eshte humbje e madhe per fshatin Dash! Mendoje dhe kete!