Zona përreth Kuvendit të Shqipërisë është vendosur nën masa të shtuara sigurie, përpara protestës së paralajmëruar nga grupimi “Flamingot”.
Forcat e Policisë së Shtetit janë dislokuar në disa prej rrugëve pranë Parlamentit, ndërsa në pikat kryesore të hyrjes janë vendosur barriera metalike. Një pjesë e akseve që mundësojnë afrimin drejt godinës janë kufizuar për qarkullimin.
Shtimi i pranisë policore synon garantimin e rendit dhe shmangien e incidenteve gjatë tubimit.
Protesta përkon me zhvillimin e seancës plenare në Kuvend, çka ka bërë që autoritetet të përforcojnë masat në perimetrin përreth institucionit.
Efektivë të shumtë ndodhen në terren, ndërsa gardhet metalike janë pozicionuar në rrugët kryesore që të çojnë drejt Parlamentit. Si pasojë e masave të marra, lëvizja në disa segmente pranë Kuvendit është kufizuar përkohësisht.