Një ngjarje e rëndë ka ndodhur rreth orës 01:45 të ditës së sotme, ku dy persona kanë mbetur të vrarë me armë zjarri. Ngjarja e rëndë ka ndodhur në Manëz, pranë një karburanti.
Nga informacionet paraprake dyshohet se ngjarja ka ndodhur pas një konflikti për motive të dobëta.
Të vrarë me armë zjarri kanë mbetur shtetasit A. K., 23 vjeç, dhe F. P., 33 vjeç, të dy banues në Manëz.
Ndërkohë policia po vijojnë kontrollet intensive për kapjen e shtetasit D. P., 21 vjeç, i cili dyshohet se ka vrarë F. P.
Durrës/Informacion paraprak
Rreth orës 01:45 të datës 22.10.2025, në Manëz, pranë një karburanti, pas një konflikti dyshohet për motive të dobta, kanë mbetur të vrarë me armë zjarri shtetasit A. K., 23 vjeç, dhe F. P., 33 vjeç, të dy banues në Manëz.
Nga veprimet e para hetimore të kryera nga grupi i posaçëm hetimor, dyshohet se shtetasi F. P. është vrarë me armë zjarri nga shtetasi D. P., 21 vjeç, banues në Manëz, ndërsa shtetasi A. K. dyshohet se është vrarë nga shtetasi F. P.
Shërbimet e Policisë po vijojnë kontrollet intensive për kapjen e shtetasit D. P.
Ndërkohë, një grup i posaçëm hetimor, nën drejtimin e Prokurorit, po vijon punën në vendngjarje për zbardhjen e rrethanave, identifikimin e personave të tjerë të përfshirë në këtë ngjarje dhe administrimin e çdo prove, me qëllim dokumentimin e plotë ligjor të rastit.