Kryeministri Edi Rama ka reaguar me ironi ndaj dorëzimit të librit “The Albanian Files” në SPAK nga protestuesit, të cilët e kanë paraqitur atë si pjesë të një denoncimi për hetim penal.
Përmes një postimi në rrjetet sociale, Rama ka komentuar situatën duke shkruar: “I pari libër që trajtohet si provë krimi”, duke e shoqëruar me një ton sarkastik.
Në vijim të reagimit të tij, Kryeministri ka shtuar se libri po hyn në një kontekst të pazakontë publik, duke e quajtur atë “libri i mallkuar”, dhe duke ironizuar faktin se, sipas tij, një botim letrar po trajtohet si element në një çështje hetimore.
