Grupi Parlamentar i Partia Demokratike e Shqipërisë ka depozituar një kërkesë për interpelancë urgjente me Ministrin e Brendshëm, Besfort Lamallari, lidhur me situatën në Policia e Shtetit dhe shqetësimet për korrupsionin.
Në dokumentin zyrtar, drejtuar Kryetarit të Kuvendi i Shqipërisë, opozita i referohet gjetjeve të Komisioni Europian për Shqipërinë për vitin 2025, ku theksohet se, pavarësisht përpjekjeve, policia mbetet e ekspozuar ndaj korrupsionit.
Demokratët nënvizojnë se procesi i vettingut në polici nuk ka dhënë rezultatet e pritshme, duke mbetur i kufizuar, ndërsa raporti evidenton gjithashtu raste intimidimi dhe kërcënimi ndaj gazetarëve, përfshirë edhe raste të lidhura me zyrtarë apo punonjës policie.
Sipas tyre, të njëjtat problematika janë evidentuar edhe në raportin e vitit 2024 të Komisionit Europian, ku vihet në dukje dobësia e llogaridhënies dhe ndjeshmëria ndaj korrupsionit.
Përmes kërkesës për interpelancë, opozita kërkon sqarime nga ministri për masat konkrete në luftën kundër korrupsionit në radhët e policisë, ecurinë e procesit të vettingut dhe garantimin e sigurisë së gazetarëve.
