“Lidhja me Vatikanin ka vlera të mëdha historike”/ Presidenti Begaj takohet me Papa Leonin XIV: E ftova të vizitojë Shqipërinë

Presidenti i Republikës së Shqipërisë, Bajram Begaj, është takuar me Papa Leonin XIV.

Me anë të një postimi në rrjetet sociale, Begaj ka ndarë momentin e takimit me Atin e Shenjtë, duke shkruar se lidhja e Shqipërisë me Vatikanin ka vlera të mëdha historike, duke shtuar se e ka ftuar të vizitojë Shqipërinë.

“Takimi me Atin e Shenjtë, Papa Leone XIV, është gjithnjë një takim i përzemërt.

Lidhja e Shqipërisë me Selinë e Shenjtë ka vlera të mëdha historike bazuar mbi sakrificë, pasion e shenjtëri.

Vlerësova marrëdhëniet tona dhe e ftova Atin e Shenjtë për të vizituar Shqipërinë”, shkruan Begaj.